Tehnologiki prosesleriň we önümçilikleriň awtomatizasiýasy
"Tehnologiki prosesleriň we önümçilikleriň awtomatizasiýasy" hünäri barada maglumat
Bu hünäriň talyplary “Awtomatlaşdyrmak boýunça tehnik” hünäriniň eýesi bolmak bilen “Umumy ynsanperwerlik we durmuş-ykdysady” dersler toplumyny, “Umumy matematiki we tebigy-ylmy” dersler toplu-myny, “Umumy hünär” dersler toplumyny öwrenmek bilen birlikde aşakdaky “Ýörite hünär” dersler toplumyny öwrenýärler:
- Awtomatiki dolandyryşyň nazarýeti;
- Tehnologiki proseslerde awtomatiki abzallar we enjamlar;
- Tehnologiki prosesleri awtomatlaşdyrmak;
- Awtomatiki ulgamlaryny gurnamak, sazlamak we ulanmak;
- Tehniki we tehnologiki prosesleri seljermek;
- Awtomatlaşdyrylan elektrik hereketlendiriji;
- Awtomatlaşdyrmagyň elektron we tehniki serişdeleri;
- Metrologiýa we standartlaşdyrma;
- Çaphana işlerinde innowasiýa tehnologiýalary;
- Zähmeti goramak we tehniki howpsuzlyk;
- Önümçiligi guramak we dolandyrmak.
“Awtomatiki dolandyryşyň nazarýeti” dersi düýpli yluymlara esaslan-mak bilen awtomatikany ylmy dilde nazarýete esaslanyp düşündirýär.
“Tehnologiki proseslerde awtomatiki abzallar we enjamlar” takyk tehnikada ulanylýan awtomatiki abzallary we enjamlary talyplara düşündirýär. Muňa çap enjamlarynyň pnewmatiki, gidrawliki we elektroniki abzallaryny mysal getirmek bolar.
“Tehnologiki prosesleri awtomatlaşdyrmak” dersi poligrafiýa tehnolo-giýasynyň dürli işleriniň golda we awtomat enjamlarda ýerine ýetirilişini öwredýär.
“Awtomatiki ulgamlaryny gurnamak, sazlamak we ulanmak” dersi enjamlaryň esasynda pnewmatika ulgamlarynyň listberiji ulgamlarda ulanylyşyny, datçikleriň, elektron tablolaryň, duýduryjy gurluşlaryň, lentaberiji ulgamlaryň we şuňa meňzeş beýleki awtomat ulgamlaryň poligrafiýa enjamlarda ulanylyşyny we olaryň awtomat sazlanylyşyny öwredýär.
“Tehniki we tehnologiki prosesleri seljermek” dersi awtomatiki nukdaý-nazardan tehnologiki prosesleriň dogry işlemegini guramagy öwredýär.
“Awtomatlaşdyrylan elektrik hereketlendiriji” dersi poligrafiýa kärhanalarynda ulanylýan elektrik maşynlary barada düşünje berýär.
“Awtomatlaşdyrmagyň elektron we tehniki serişdeleri” takyk enjamda ulanylýan elektron we tehniki serişdeleriň gurluşy bilen talyplary tanyş-dyrýar.
“Metrologiýa we standartlaşdyrma” dersi poligrafiýa senagatynyň stan-dartlar ulgamyny talyplara düşündirýär.
“Çaphana işlerinde innowasiýa tehnologiýalary” dersi çap maşynlary we poligrafiýa senagaty ulgamyndaky innowasion täzelikleri talyplara ýetirýär.
“Zähmeti goramak we tehniki howpsuzlyk” dersi standartlar esasynda önümçilik heläkçiliginden goranmagyň düzgünlerini öwredýär.
“Önümçiligi guramak we dolandyrmak dersi” talyplara önümçiligi guramagyň standart esaslaryny we dolandyryş ulgamyny öwredýär.
Talyplar nazarýetde alan bilimlerini okuw tejribeligi, önümçilik tejribeligi, tehnologiki tejribeligi geçmek esasynda has-da çuňlaşdyrýarlar.
